ເຈົ້າເຄີຍເຊື່ອເລື່ອງນີ້ບໍ່ ຮັກແທ້ແພ້ໄລຍະທາງ..(ໃກ້ສິດ)

455

ເຈົ້າເຄີຍເຊື່ອເລື່ອງນີ້ບໍ່ ຮັກແທ້ແພ້ໄລຍະທາງ..(ໃກ້ສິດ)

“ຄົນໜຶ່ງແຊັດລົມນຳທຸກມື້ ແຕ່ອີກຄົນນອນຢູ່ນຳທຸກມື້ “
ເຄີຍຍິນຫລາຍຄົນບອກວ່າ ໄລຍະທາງບໍ່່ເຄີຍເປັນອຸປະສັກສຳລັບຄວາມຮັກ ຫລື ຄົນທີ່ຮັກກັນ ມັນແມ່ນແທ້ ຫລື ບໍ່?

ຂ້ອຍໄດ້ລົມກັບຜູ້ຍິງຄົນໜຶ່ງໄດ້ 2 ປີແລ້ວ, ແຕ່ເນື່ອງຈາກວ່າ ເຮົາຢູ່ຄົນລະບ່ອນ, ຮຽນຄົນລະສະຖາບັນເຮັດໃຫ້ເຮົາຕ້ອງແຍກກັນຢູ່ລາວເຊົ່າຫ້ອງເຊົ່າຢູ່ ຂ້ອຍພັກຢູ່ຫໍພັກຂອງໂຮງຮຽນ, ວັນເສົາ- ອາທິດ ກະມັກຈະໄປຫລີ້ນຳກັນ , ວັນພັກຜອນຕ່າງໆກໍຈະໄປໃສ່ມາໃສ່ນຳກັນເປັນປະຈຳ, ໂທຫາກັນທຸກມື້ທຸກຄືນກ່ອນນອນບອກຝັນດີ, ບອກຮັກຕາມພາສາຄວາມຮັກໄວລຸນ, ເຊື້ອໃຈ, ສັດຊື່ຕໍ່ຄວາມຮັກ,

ໝັ້ນຄົງ ຄິດວ່າຄົນເຮົາຮັກກັນຕ້ອງເຊື້ອໃຈກັນນັ້ນເອງພໍລົມກັນມາດົນໆ ຂ້ອຍເອງກໍຮຽນປີ4ແລ້ວ ເວລາກະບໍ່ຄອຍຫລາຍ, ການໄປມາຫາສູ່ກັນກະບໍ່ຄືແຕ່ເກົ່າດົນໆໄປເທື່ອໜຶ່ງ ແລະ ໃນວັນທີ 18 ເດືອນ ກໍລະກົດ ຂ້ອຍຄິດວ່າຈະຕັ້ງໃຈໄປຫາລາວເພາະໃກຈະຮອດວັນເກີດລາວ ່ມື້ນັ້ນກະບອກກ່ອນແລ້ວກ່ອນຈະໄປ ແຕ່ບັງເອີນໃນມື້ນັ້ນມີງານສ້າງສັນນຳໝູ່ຢູ່ເຮືອນໝູ່ນ້ອຍໜຶ່ງຢູ່ບ້ານໝູ່ກະຄິດວ່າແລ້ວຈາກສ້າງສັນປະມານ 11:00 ມ.

ຈະໄປຫາລາວເລີຍ ເພາະວ່າບອກລາວຖ້າແລ້ວ ເມື່ອຮອດ 11ມ ກະໄປຫາລາວຄືປົກກະຕິບໍ່ມີຫຍັງ ພໍຮອດຫ້ອງກະເຂົ້ານອນເພາະເມົ້າແນ່ ໃນລະຫວ່າງນອນກະຖາມວ່າ: ທີ່ບໍ່ໄດ້ມາຫາບໍ່ເຫົງາບໍ່, ບໍ່ຄິດຮອດບໍ່ ແລະ ກະຖາມວ່າມີຫຍັງຈະສະລະພາບນຳອ້າຍບໍ່? ລາວກະບອກວ່າບໍ່ມີ ເຊື້ອໃຈໄດ້. ພໍນອນໄດ້ໄລຍະໜຶ່ງຮູ້ສຶກປວດເບົ່າເຂົ້າຫ້ອງນໍ້າກະເລີຍລຸກໄປຫ້ອງນໍ້າ ໃນທັນທີ່ທັນໃດກະຫລຽວເຫັນກະຕາຂີ່ເຫຍື້ອທີ່ຢູ່ໃນພາບ (ວົງກົມແດງ) ມີທັ້ງຖົງຢາງອະນາໄມ ມີທັງອື່ນໆ ທັງເກົ່າ ແລະ ໃໝ່. ເລີຍຍາງອອກມາຖາມແລ້ວເກີດມີປາກສຽງກັນໜ້ອຍໜຶ່ງ

ລາວວ່າລາວໃສ່ນໍ້າລໍລື້ນປົວສິວໃບໜ້າ ແຕ່ກະບໍ່ເຊື້ອ ຖາມໄປຖາມມາ ພ້ອມທັ້ງນໍ້າຕາທັງສອງ ສຸດທ້າຍລາວຕອບກັບມາວ່າ ອ້າຍ ນ້ອງຂໍໂທດ ນ້ອງຜິດແລ້ວ ຂ້ອຍຖາມວ່າແມ່ນໃຜ ລາວຕອບວ່າ ແມ່ນໝູ່ ຂ້ອຍຖາມ ລາວມາທຸກມື້ບໍ່ມື້ທີອ້າຍບໍ່ມາ ລາວຕອບວ່າ ໂດຍ ສັ້ນໆ ລາວບອກວ່າຫາກະບອກລາວກັບຕອນ 10:30 ມ ກິນີ້ຍ້ອນອ້າຍຊິມາ ດົນໆພັກໜຶ່ງລາວເວົ້າມາວ່າ: ອ້າຍເຖິງນ້ອງຊິນອກກາຍ ແຕ່ນ້ອງກະບໍ່ເຄີຍຈະນອກໃຈອ້າຍເລີຍ. ຄຳນີ້ຂ້ອຍຝຸບນັ່ງລົງກັບບາດ ແລະ ກະຈັບກະແຈລົດຂີ້ລົດອອກມາພ້ອມກັບນໍ້າຕາ ກະບໍ່ເຂົ້າໃຈ ຫລື ເປັນຍ້ອນຮັກແທ້ແພໄລຍະທາງ ນັ້ນເອງ. ຍິນຫລາຍຄົນມັກເວົ້າສຸດທ້າຍມາເກີດເກັບຕົນເອງ.

ຂຽນຈາກ ຊີວິດຈິງຂອງຜູ້ຊາຍຄົນໝຶ່ງ
ຂອບໃຈທຸກຄົນທີ່ເຂົ້າມາອ່ານ

ພາບປະກອບ ເປັນເລື່ອງແທ້ທີ່ເຄີຍເກີດຂື້ນ…