ນິວຊີແລນ ຂຶ້ນຄ່າຈ້າງຂັ້ນຕໍ່າຊົ່ວໂມງລະ 18,000 ກີບ ພ້ອມເກັບພາສີຄົນລວຍເພີ່ມອີກ

209
ads Bloggif

ຈາຊິນດາ ອາເດິນ (Jacinda Ardern) ນາຍົກລັດຖະມົນຕີນິວຊີແລນ ເຮັດຕາມຄຳໝັ້ນສັນຍາທີ່ເຄີຍຫາສຽງໄວ້ກ່ອນໜ້ານີ້, ດ້ວຍການຂຶ້ນຄ່າແຮງຂັ້ນຕໍ່າອີກເທື່ອ ເພື່ອເປັນສິ່ງຈຳເປັນໃນການຊ່ວຍເຫຼືອນິວຊີແລນ ທີ່ກຳລັງຟື້ນໂຕຈາກວິກິດເສດຖະກິດທີ່ເກີດຂຶ້ນ ຈາກການລະບາດຂອງໂຄວິດ-19.

ການປະກາດຈະປັບມາດຕະຖານຄ່າແຮງຂັ້ນຕໍ່ຂອງຈາຊີນດາ ໄດ້ສ້າງຄວາມກັງວົນຕໍ່ຄົນນິວຊີແລນບາງກຸ່ມ ພ້ອມດ້ວຍຜູ້ປະກອບການຂະໜາດນ້ອຍເຫັນວ່າ ການເພີ່ມຄ່າແຮງຂັ້ນຕໍ່າແບບໄວເກີນໄປ ຈະສ້າງແຮງກົດດັນໃຫ້ແກ່ພາກທຸລະກິດຂະໜາດນ້ອຍ ແລະກາງ,.

ອາດຈະສົ່ງຜົນກະທົບຕໍ່ຄວາມຈຳເປັນທີ່ຈະຕ້ອງຫຼຸດການຈ້າງງານ ແລະສົ່ງພາລະຄ່າໃຊ້ຈ່າຍໄປໃຫ້ຜູ້ບໍລິໂພກ ທີ່ຈະເຮັດໃຫ້ຄ່າຄອງຊີບສູງຂຶ້ນຕາມໄປພ້ອມ.

ນອກຈາກການປະກາດປັບຂຶ້ນຄ່າແຮງງານຂັ້ນຕໍ່າແລ້ວ ຈາຊິນດາຍັງບອກອີກວ່າ: ຈະເພີ່ມອັດຕາການເສຍພາສີຂອງຜູ້ມີລາຍໄດ້ສູງໃນປະເທດ ມາຢູ່ທີ່ 39% ຂອງລາຍໄດ້.

ໝາຍຄວາມວ່າ ຜູ້ມີລາຍໄດ້ສູງ ຄືບຸກຄົນທີ່ມີລາຍໄດ້ຫຼາຍກວ່າ 1.8 ແສນໂດລານິວຊີແລນຕໍ່ປີ ລັດຖະບານຄາດວ່າ ສັດສ່ວນຜູ້ທີ່ມີລາຍໄດ້ຫຼາຍທີ່ສຸດໃນປະເທດ 2% ຈະເພີ່ມລາຍໄດ້ໃຫ້ກັບພາກລັດປີລະ 550 ລ້ານໂດລານິວຊີແລນ.