ສຸພາວະດີ ຂໍສະຫຼະມົງ! ຊີ້ ບໍ່ມີຄວາມສາມາດ ແລະ ບໍ່ຂໍຕອບເລື່ອງຂອງລາຍລະອຽດ

284
ads Bloggif

ສຸພາວະດີ Miss World Laos 2021 ໄດ້ອອກມາໂພສຂໍ້ຄວາມຜ່ານທາງເຟສບຸກສ່ວນຕົວເມື່ອຕອນເຊົ້າຂອງວັນທີ 4 ເມສາ 2021 ປະກາດວ່າຕົນເອງຂໍສະຫຼະຕຳແໜ່ງດັ່ງກ່າວ ຫຼັງເກີດກະແສວິພາກວິຈານເລື່ອງຂອງອາຍຸທີ່ແຟນນາງງາມສົງໄສວ່າອາດບໍ່ເປັນໄປຕາມຄວາມຈິງ ແລະ ມີການຂຸດຄຸ້ຍເລື່ອງລາວໃນໄລຍະຫຼາຍມື້ທີ່ຜ່ານມາ.


ສຸພາວະດີ ເປັນນາງງາມຄົນທຳອິດຂອງເວທີນີ້ທີ່ດຳລົງຕຳແໜ່ງສັ້ນທີ່ສຸດ ເຊິ່ງນັບຈາກຮອບຕັດສິນກໍຜ່ານມາໄດ້ພຽງແຕ່ 4 ມື້ເທົ່ານັ້ນ.


ກ່ອນໜ້ານີ້ ທາງປະທານກອງປະກວດໄດ້ອອກມາຊີ້ແຈງວ່າໃຫ້ເວລາ ສຸພາວະດີ 14 ມື້ໃນການສະແດງຫຼັກຖານຢັ້ງຢືນວ່າອາຍຸຖືກຕ້ອງຕາມຄວາມເປັນຈິງ.


ສ່ວນທາງດ້ານເຟສບຸກທາງການຂອງກອງປະກວດຍັງບໍ່ທັນມີການເຄື່ອນໄຫວຫຍັງເທື່ອກ່ຽວກັບປະເດັນການສະຫຼະຕຳແໜ່ງໃນຄັ້ງນີ້.


ທັງນີ້ ເມື່ອມີການສະຫຼະຕຳແໜ່ງແບບນີ້ ຄາດວ່າຜູ້ທີ່ເປັນຮອງອັນດັບທີ 1 ນັ້ນກໍຄື ພອນວິໄລ ຫຼວງລາດ ຈະໄດ້ຂຶ້ນມາຮັບໜ້າທີ່ແທນ ແລະ ຈະໄດ້ເປັນຕົວແທນໄປປະກວດໃນລະດັບໂລກເຊິ່ງຍັງບໍ່ທັນມີກຳນົດການເທື່ອ.

ຂໍ້ມູນຂ່າວ : muan.la