ວັດສີມຸງຄຸນ ບ້ານວັດກາງ ເມືອງສາລະວັນສະເຫລີມສະຫລອງຫໍໄຕປີດົກ

653
ads Bloggif

ແຫລ່ງຂ່າວຈາກແຂວງສາລະວັນ ໃຫ້ຮູ້ວ່າ: ວັນທີ 3-4 ເມສາ ຜ່ານມາ, ວັດສີມຸງຄຸນ ບ້ານວັດກາງ ເມືອງສາລະວັນ ຈັດພິທີແຫ່ປະສາດເຜິ້ງ, ຜ້າໄຕປີດົກ, ໜັງສືຜູກໃບລານ ຕິດພັນກັບການສົມໂພດພະພຸດທະຮູບ ປາງຊະນະມານ ແລະ ພະພຸດທະຮູບປາງປະທານພອນ ໂດຍມີ

ທ່ານ ໂພໄຊ ໄຊຍະສອນ ເຈົ້າແຂວງສາລະວັນ, ພ້ອມຄອບຄົວ ເຈົ້າສັດທາຖວາຍພະປາງຊະນະມານ ແລະ ພະປາງປະທານພອນ, ມີທ່ານ ຈັນສີລອນ ສີສົມບູນ ເຈົ້າເມືອງສາລະວັນ, ຕະຫອດຮອດຄະນະນຳຂັ້ນແຂວງ, ຂັ້ນເມືອງ ແລະ ອອກຕົນຍາດໂຍມທີ່ເຫລື້ອມໃສ ໃນພຣະພຸດທະສາສະໜາ ຮ່ວມຢ່າງຫລວງຫລາຍ.

ທັງນີ້ ກໍເພື່ອເປັນການສະເຫລືມສະຫລອງຫໍໄຕປີດົກ ທີ່ໄດ້ປະຕິບັດກັນມາທຸກໆປີ ແລະ ເປັນການອະນຸລັກ, ສົ່ງເສີມວັດທະນະທໍາ-ຮີດຄອງປະເພນີອັນດີງາມຂອງຊາດລາວ ໄວ້ໄຫ້ໝັ້ນຄົງຕະຫລອດໄປ.

ພາຍໃນພິທີໄດ້ມີການຖວາຍວັດຖຸປັດໄຈ, ຜ້າໄກ, ຕົ້ນເງິນ, ຕົ້ນຄຳ ເຄື່ອງໄຊຍະທານຕ່າງໆຈາກອອກຕົນຍາດໂຍມ, ແຫ່ນາກ, ບວດນາກ.

ສ່ວນພິທີແຫ່ປະສາດເຜິ້ງຈຳ ນວນ 9 ອັນ, ຜ້າໄຕປີດົກ, ໜັງສືຜູກໃບລານ ແມ່ນເລີ່ມຈາກຈຸດຫ້ອງການບ້ານໆວັດກາງ ອ້ອມຮອບເທສະບານເມືອງສາລະວັນ ແລ້ວແຫ່ອ້ອມວັດສີມຸງຄຸນຈຳນວນ 3 ຮອບ ດ້ວຍບັນຍາກາດອັນຟົດຟື້ນເຕັມໄປດ້ວຍເອກະລັກ ວັດທະນະທຳ ຮີດຄອງປະເພນີອັນດີງາມ ແລະ ຕອນກາງຄືນກໍໄດ້ໄຫ້ວພະຮັບສິນ, ໄຕ້ທູບ, ໄຕ້ທຽນໄຊ ແລ້ວເຂົ້າສູ່ພິທີໂສມໂພດພະພຸດທະຣູບຕະຫລອດຄືນ.