3 ຂໍ້ເພື່ອປ່ຽນຈາກຜູ້ຍິງໃຊ້ເງິນເປືອງ ໃຫ້ເປັນຜູ້ຍິງມີເງິນເກັບ

311

ຂໍ້ທີ 1

ຄືການແບ່ງເງິນເດືອນເປັນສ່ວນໆ ເພາະວ່າມັນຈະຊ່ວຍໃຫ້ສາວໆ ຈຳກັດງົບໄດ້ດີຂຶ້ນ ໂດຍສະເພາະສາວໆ ທີ່ໃຊ້ເງິນເກັ່ງເຫຼືອເກີນ ລາວແບ່ງເງິນເດືອນທີ່ເຫຼືອພາຍຫລັງ

ຈາກຫັກຄ່າພາສີແລ້ວ ອອກມາບາງສ່ວນ ຈາກນັ້ນກໍເອົາສ່ວນທີ່ແບ່ງນັ້ນແຫຼະແບ່ງອີກໃຫ້ໄດ້ 3 ສ່ວນ ແລ້ວໂອນເຂົ້າບັນຊີ 3 ບັນຊີ ຈາກນັ້ນກໍກຳນົດໜ້າທີ່

ໃຫ້ຊັດເຈນໄປເລີຍວ່າບັນຊີນີ້ສຳຫຼັບໃຊ້ຈ່າຍຫຍັງ ທີ່ໃຫ້ເຮັດແບບນີ້ນອກຈາກຈະໄດ້ຈຳກັດງົບໄດ້ດີແລ້ວ ຍັງເປັນຈິດວິນຍານຢ່າງໜຶ່ງ

ທີ່ເຮັດໃຫ້ການໃຊ້ເງິນຍາກຂຶ້ນ ເວລາຈະໃຊ້ເງິນທີ ກໍຕ້ອງໄລ່ກົດຕັ້ງ 4 ບັນຊີ ບາງທີອາດເຮັດໃຫ້ສາວໆຫຼາຍຄົນເກີດອາການເບື່ອໜ່າຍແລ້ວບໍ່ຢາກໃຊ້ເງິນ

ຂໍ້ທີ 2

ຄືການຄວບຄຸມຕົວເອງໃຫ້ໃຊ້ຈ່າຍເທົ່າທີເຮົາກຳນົດໄວ້ ເຊັ່ນ ເລືອກທີ່ຈະໃຊ້ວິທີກົດເງິນໃຫ້ຄົບ 300,000

ແຕ່ບໍ່ໄດ້ໃຊ້ວິທີກົດ ໃຫ້ໄດ້ໃບແສນອອກມາທັງ 3 ແຕ່ກົດເທື່ອລະ 50,000 ໄປເລື້ອຍໆ ຈົນກວ່າຈະຄົບ 300,000 ເພື່ອໃຫ້ໄດ້ໃບນ້ອຍ ຈາກນັ້ນລາວກໍບັງຄັບຕົວເອງໃຫ້ໃຊ້ແຕ່ມື້ລະ 20-30

ຟັງເບິ່ງອາດຈະງ່າຍສຳຫຼັບຜູ້ທີ່ມີຈິດໃຈເຂັ້ມແຂງແທ້ໆ ແຕ່ວ່າມັນຈະຍາກສຳຫຼັບຄົນທີ່ຈິດໃຈບໍ່ເຂັ້ມແຂງ

ສະນັ້ນໃນກໍລະນີນີ້ອາດຈະຕ້ອງມີການເພີ່ມເງື່ອນໄຂເຊັ່ນ ຄຳນວນວ່າເຮົາຈະໃຊ້ເງິນມື້ລະເທົ່າໃດ

ກໍໂອນເຂົ້າບັນຊີສຳຫຼັບໃຊ້ຈ່າຍ ໃຫ້ພໍສຳຫຼັບໃຊ້ໃນ 1 ອາທິດແລ້ວ ຈຶ່ງກົດອອກມາອາທິດລະຄັ້ງ

ຂໍ້ທີ 3

ກໍຄືຢ່າພົກແຫຼ່ງເງິນ ເຊັ່ນພວກບັດ ATM ຫຼາຍ ໃຫ້ເອົາໄປເທົ່າຈຳເປັນຢ່າງເຊັ່ນບັດທີ່ຜູກກັບບັນຊີ ສຳຫຼັບໃຊ້ຈ່າຍປະຈຳວັນ ເຮົາຢ່າຄິດວ່າບໍ່ສຳຄັນເດີ ເພາະມີສາວໆຫຼາຍຄົນ

ທີ່ຕະບະແຕກຈາກການພົກບັດໄປຫຼາຍແລ້ວ ທີນີ້ກໍ່ເພື່ອເອົາໄປຊື້ຂອງ Sale ໝົດເລີຍ ສະນັ້ນແລ້ວ ຢ່າງທີ່ບອກນອກຈາກ ATM ສຳຫຼັບໃຊ້ຈ່າຍ ເພື່ອເຫຼືອເກັບໄວ້ທີ່ເຮືອນດີກວ່າ

ແລ້ວເຮົາກໍ່ຕ້ອງມີປະລິມານທີ່ມັນແນ່ວແນ່ ວ່າຈະເເກັບເງິນໃຫ້ໄດ້ ເພາະຫາກບໍ່ມີໃຈ ທີ່ຄິດຈະເກັບເງິນ

ແມ້ຈະໃຫ້ເປີດບັນຊີ ເປັນ 10 ບັນຊີ ກໍບໍ່ມີທາງທີ່ເກັບເງິນຢູ່ ຫຼືຫາກຄິດວ່າປະລິມານຂອງຕົນບໍ່ແຮງພໍກໍຂໍໃຫ້ນຶກເຖິງອະນາຄົດຂອງຕົນເອງເຂົ້າໄວ້

ແລະ ນຶກເຖິງຄອບຄົວໄວ້ໃຫ້ຫຼາຍເພາະຊີວິດຄົນເຮົາບໍ່ໄດ້ສິ້ນສຸດພຽງແຕ່ການຊັອບປິ້ງ ຫຼືເສີມສວຍເທົ່ານັ້ນດອກ ຍັງມີເສັ້ນທາງລາກຫຼາຍທີ່ຈະຕ້ອງເດີນ

ມີອີກຫຼາຍໂຄ້ງທີ່ຈະຕ້ອງປະເຊີນໃຫ້ຜ່ານໄປໃຫ້ໄດ້ ແລະ ການມີເງິນເກັບຈະເປັນໃບເບີກທີ່ສຳຫຼັບໃຫ້ເຮົາຜ່ານວິກິດ ຜ່ານອຸປະສັກໄປໄດ້

ອ່ານມາເຖິງຕອນນີ້ ຄົງມີຄວາມຄິດທີ່ຈະເກັບເງິນຂຶ້ນມາແດ່ ຜູ້ທີ່ຕັ້ງໃຈຈະເກັບເງິນທຸກໆຄົນ ເຮົາຂໍເປັນກຳລັງໃຈໃຫ້ ໃຫ້ໄປເຖິງຝັນ ໃຫ້ມີເງິນເກັບໃນບໍ່ຊ້າ