ປກສ ເມືອງຈຳປາສັກ ຊີ້ແຈ້ງເຫດການ ທ້າວ ຄຳໄພ ກໍ່ອາລະວາດ ຢູ່ຈຸດກວດກາພະຍາດ ໂ ຄ ວິ ດ ບ້ານດອນຕະລາດ

2322

ປກສ ເມືອງຈຳປາສັກ ຊີ້ແຈ້ງເຫດການ ທ້າວ ຄຳໄພ ກໍ່ອາລະວາດ ຢູ່ຈຸດກວດກາພະຍາດ ໂ ຄ ວິ ດ ບ້ານດອນຕະລາດ

ໃນຕອນບ່າຍຂອງວັນທີ 17 ພຶດສະພາ ນີ້, ພັທ ຄຳແດງ ວົງຄຳສອນ ຄະນະຮັບຜິດຊອບຕ້ານພະຍາດ ໂ ຄ ວິ ດ ເມືອງຈຳປາສັກ ຖະແຫຼງຊີ້ແຈງເຫດການ ທ້າວ ຄຳໄພ ກໍ່ອາລະວາດໂວຍວາຍ ຢູ່ຈຸດກວດກາຕ້ານພະຍາດ ໂ ຄ ວິ ດ ບ້ານດອນຕະລາດ ເມືອງຈຳປາ ສັກ ໃນວັນທີ 14 ພຶດ ສະພາ 2021 ເຊິ່ງມີລາຍລະອຽດ ດັ່ງນີ້:

ໃນວັນທີ 14 ພຶດສະພາ 2021 ເວລາ 16:00 ໂມງ ໄດ້ທ້າວ ຄຳໄພ ເອື້ອອາລີ ຫຼື ຕຸ້ຍ ອາຍຸ 37 ປີ ຢູ່ບ້ານທາງຄົບ ເມືອງຈໍາປາສັກ ແຂວງຈຳປາສັກ ຂີ່ລົດຈັກຍີ່ຫໍ້ຢິນຊິງ ສີແດງ ບໍ່ມີປ້າຍທະບຽນ, ພ້ອມຖືພ້າ ຍາວ 1 ດວງ, ບໍ່ໃສ່ຜ້າອັດປາກ-ດັງ, ມາອາລະວາດ ຢູ່ຈຸດກວດກາຕ້ານ ໂ ຄ ວິ ດ ຄຸ້ມແສນສຸກ ບ້ານດອນຕະລາດ ເມືອງຈໍາປາສັກ

ເຊິ່ງແມ່ນຈຸດຕັ້ງຢູ່ໜ້າໂຮງຮຽນ ມສ ດອນຕະລາດ ໂດຍໄດ້ຂີ່ລົດຈັກຜ່ານເຊືອກກັ້ນທາງຈຸດກວດກາ ໄປປະ ມານ 10 ແມັດ,ແລ້ວກັບຄືນ ເອົາ ພ້ າ ມາຟັ ນ ໃສ່ໂຕະ ຂອງເຈົ້າໜ້າທີ່ ຈຳນວນ 3 ບາດ.ຈາກນັ້ນ, ຜູ້ກ່ຽວກໍໄດ້ຂີ່ລົດຈັກ ມຸ່ງໜ້າເມືອບ້ານທາງຄົບ

ຮອດເວລາປະມານ 16:15 ໂມງ ຜູ້ກ່ຽວໄປຮອດຈຸດກວດກາຕ້ານ ໂ ຄ ວິ ດ ເປັນຈຸດກວດກາວັດ ແທກ ອຸນຫະພູມຂອງເມືອງ ແລະ ໄດ້ຂີ່ຜ່າເຊືອກກັ້ນຈຸດກວດກາ ເອົາພ້ າ ຟັ ນລົດຕົນເອງ ໃຊ້ທ່າທີ່ໂວຍວາຍກັບເຈົ້າໜ້າທີ່ ກວດກາຢູ່ຈຸດດັ່ງກ່າວ. ຈາກນັ້ນ, ເຈົ້າໜ້າທີ່ ຈຶ່ງໄດ້ກັກຕົວຜູ້ກ່ຽວມາດຳ ເນີນການສອບສວນ.

ຜ່ານການສອບສວນ ຜູ້ກ່ຽວສາລະພາບວ່າ: ໃນວັນທີ 14 ພຶດສະພາ 2021 ເວລາປະມານ 9:00 ໂມງ ໄດ້ອອກຈາກເຮືອນ ບ້ານທາງຄົບ, ໂດຍຂັບຂີ່ລົດຈັກ ມຸ້ງໜ້າມາບ້ານດອນຕະລາດ, ຜູ້ກ່ຽວໄດ້ໄປຫາໝູ່ ຊື່ ທ້າວ ໄພມະນີ ແລະ ໄດ້ເອົາ ເງິນໃຫ້ ທ້າວ ໄພມະນີ 20.000 ກີບ ເພື່ອ ໄປຊື້ ຢ າ 2 ເມັດ ມາ ເ ສ ບ ນຳກັນ, ພາຍຫຼັງເ ສ ບຢ າແລ້ວ

ຜູ້ກ່ຽວໄດ້ມາຫາ ພໍ່ກູນ ຢູ່ຄຸ້ມໂຄກອີໂຕນ ບ້ານດອນຕະລາດ ເຊິ່ງເປັນຊ່າງຕີ ພ້ າ ພ້ອມທັງຂໍເງິນນຳພໍ່ກູນ 10.000 ກີບ.ຈາກນັ້ນ, ພໍ່ກຸນ ຈຶ່ງໄດ້ບອກຜູ້ກ່ຽວວ່າ ຖ້າຢາກໄດ້ເງິນເພີ່ມ ແມ່ນໃຫ້ເອົາພ້າ ໄປສົ່ງໃຫ້ ນາງ ວັນໄຊ ຢູ່ຄຸ້ມໜອງ ດອນຕະລາດ ແຕ່ເມື່ອໄປຮອດ ກໍ່ບໍ່ພົບ ນາງ ວັນໄຊ, ແລ້ວຜູ້ກ່ຽວ ຈຶ່ງໄດ້ຂີ່ລົດມາ ເຮືອນ ພໍ່ບົວລີ ຢູ່ຄຸ້ມໜອງຂີ້ເຫຼັກ ບ້ານດອນຕະລາດ ເຊິ່ງຜູ້ກ່ຽວໄດ້ດື່ມເຫຼົ້າ 1 ແກ້ວ (ແກ້ວM150) ແລະ ອີກ 1 ຈອກ, ແລ້ວຂໍເງິນນໍາ ພໍ່ບົວລີ 20.000 ກີບ.ຈາກນັ້ນ

ຜູ້ກ່ຽວໄດ້ຂີ່ລົດລົງເມືອ ທາງຄຸ້ມໂຄກອີໂດນ ໄດ້ແວ່ໃສ່ນໍ້າມັນ, ພາຍຫຼັງໃສ່ນໍ້າມັນລົດແລ້ວ, ນໍ້າມັນຍ້ອຍ ຍ້ອນກະບິວລົດມີບັນຫາ, ຜູ້ກ່ຽວຈຶ່ງໄດ້ຂີ່ລົດ ພ້ອມທັງເອົາພ້ າ ຟັ ນ ຫົ ວລົດຈັກ ພ້ອມຮ້ອງໂວຍວາຍໄປນໍາທາງ, ຈົນຮອດຈຸດກວດກາ ຄຸ້ມແສນສຸກ ບ້ານດອນຕະລາດ ໜ້າໂຮງຮຽນ ມສ ດອນຕະລາດ ຜູ້ກ່ຽວໄດ້ຜ່ານຈຸດກວດກາ ໄປປະມານ 10 ແມັດ

ໃຊ້ພ້າຟັນລົດຈັກຂອງຜູ້ກ່ຽວ ພ້ອມທັງຮ້ອງໂວຍວາຍ ແລ້ວຂີ່ລົດກັບຄືນມາ,ໃນເວລານັ້ນ ຜູ້ກ່ຽວ ໄດ້ເອົາພ້າ ຟັນໂຕະບ່ອນເຮັດວຽກຂອງເຈົ້າໜ້າທີ່ 3 ບາດ ແລ້ວຜູ້ກ່ຽວ ກໍຂີ່ລົດມຸ້ງໜ້າມາຮອດຈຸດກວດກາວັດແທກອຸນຫະພູມຂອງເມືອງ ຜູ້ກ່ຽວໄດ້ຂີ່ລົດ ຜ່ານຈຸດກວດກາ ພ້ອມເອົາພ້າຟັນຫົວລົດ ຂີ່ກາຍໄປໄດ້ໄລຍະໜຶ່ງ ຜູ້ກ່ຽວກໍຂີ່ກັບຄືນມາຈຸດກວດກາອີກ.

ຈາກນັ້ນ,ເຈົ້າໜ້າທີ່ ຈຶ່ງໄດ້ສະກັດກັ້ນ ຍາດເອົາພ້າ ອອກຈາກມື ແລະ ໃຫ້ຜູ້ກ່ຽວມອດຈັກລົດ ແຕ່ຜູ້ກ່ຽວບໍ່ມອດ ໂດຍໃຫ້ເຫດຜົນວ່າ ມອດບໍ່ໄດ້. ຈາກນັ້ນ, ເຈົ້າໜ້າທີ່ ປກສ ກຸ່ມ ຈຶ່ງດຶງສາຍໄຟຫົວທຽນລົດອອກ ເຮັດໃຫ້ລົດມອດ ແລ້ວໃຊ້ມືຕົບຫົວ 1 ບາດ, ພ້ອມທັງເວົ້າວ່າ ເປັນຫຍັງຊິມອດບໍ່ໄດ້, ເຊິ່ງພວກກ່ຽວທັງສອງຄົນ ແມ່ນຮູ້ຈັກກັນດີ. ຫຼັງຈາກນັ້ນ, ທ້າວ ຄໍາໄພ ຈຶ່ງໄດ້ໂວຍວາຍຂຶ້ນອີກ ພ້ອມທັງເອົາກຳປັ້ນທຸບລົດຈັກຕົນເອງ, ສະນັ້ນເຈົ້າໜ້າທີ່ ຈຶ່ງໄດ້ສະກັດກັ້ນຄຸມຕົວ ແລະ ກັກຕົວຜູ້ກ່ຽວ.

ຜູ້ກ່ຽວ ຍັງສາລະພາບອີກວ່າ: ໄດ້ເສບ ຢ າ ຜິ ດ ກົດໝາຍ ມານັບແຕ່ປີ 2019ເປັນຕົ້ນມາ ແລະ ດື່ມເຫຼົ້າ ເປັນປະຈຳ, ຜ່ານການກວດການໍ້າປັດສະ ວະ ແມ່ນມີສີມ້ວງ . ຕໍ່ກັບການກະທຳຂອງ ທ້າວ ຄຳໄພ ເອື້ອອາລີ ເຈົ້າໜ້າທີ່ພວມສືບຕໍ່ສອບສວນ ປະກອບຂໍ້ມູນ ແລະ ຫຼັກຖານ; ສ່ວນ ປກສ ກຸ່ມ ຈະໄດ້ຄົ້ນຄວ້າ ນຳສະເໜີຂັ້ນເທິງ ເພື່ອພິຈາລະນາ ໃນຂັ້ນຕໍ່ໄປ.

ໃນໂອກາດນີ້, ພັທ ຄຳແດງ ວົງຄຳສອນ ໄດ້ຮຽກ ຮ້ອງມາຍັງທົ່ວສັງຄົມ ຈົ່ງມີສະຕິໃນການບໍລິໂພກຂ່າວ ເພື່ອຫຼີກລ່ຽງການບໍລິໂພກ ຂ່າວທີ່ບໍ່ມີມູນຄວາມຈິງ ທີ່ເປັນການປັ່ນປ່ວນ ເຮັດໃຫ້ສັງຄົມບໍ່ ມີຄວາມສະຫງົບ, ບໍ່ມີຄວາມເປັນລະບຽບຮຽບຮ້ອຍ.​
ຂ່າວ: ຄວາມສະຫງົບ