ເຮັດແທ້! ກຸ່ມຄົນບໍ່ດີທີ່ກົດໄລ້, ສົ່ງຕໍ່, ເວົ້າ ຫຼື ປ່ອຍຂໍ້ມູນທີ່ບໍ່ມີມູນຄວາມຈິງ ຈະຖືກກວດກາ

2125

ເຮັດແທ້! ກຸ່ມຄົນບໍ່ດີທີ່ກົດໄລ້, ສົ່ງຕໍ່, ເວົ້າ ຫຼື ປ່ອຍຂໍ້ມູນທີ່ບໍ່ມີມູນຄວາມຈິງ ຈະຖືກກວດກາ

ກະຊວງປ້ອງກັນຄວາມສະຫງົບ ໄດ້ອອກຂໍ້ຕົກລົງ ເພື່ອເປັນການຕ້ານການນຳໃຊ້ສື່ສັງຄົມອອນລາຍ ທີ່ບໍ່ຖືກຕ້ອງຂອງກຸ່ມຄົນບໍ່ດີຢູ່ທັງພາຍໃນ ແລະ ຕ່າງປະເທດ ທີ່ໂຄສະນາໃສ່ຮ້າຍປ້າຍສີການນຳພັກ-ລັດ ແລະ ລະບອບການເມືອງຂອງ ສປປ ລາວ ໃຫ້ຫຼຸດໜ້ອຍຖອຍລົງ

ລັດຖະມົນຕີກະຊວງປ້ອງກັນຄວາມສະຫງົບ ໄດ້ແຕ່ງຕັ້ງຄະນະຮັບຜິດຊອບຕິດຕາມ ແລະ ຕອບໂຕ້ ການນໍາໃຊ້ສື່ສັງຄົມອອນລາຍ ທີ່ບໍ່ຖືກຕ້ອງຂອງກຸ່ມຄົນບໍ່ດີໃນ ສປປ ລາວ ເມື່ອໄດ້ຮັບຮູ້ຂໍ້ມູນຂ່າວສານທີ່ກຸ່ມຄົນບໍ່ດີທີ່ໄດ້ກົດແຊຮ, ສະແດງຄວາມຄິດເຫັນ,ຖ່າຍຮູບ,ວິດີໂອ,ເວົ້າ ຫຼື ໂຄສະນາຕ່າງໆ (ໃນ Facebook ຫຼື Page ຕ່າງໆ ໃນສັງຄົມອອນລາຍ) ທີ່ບໍ່ມີມູນຄວາມຈິງ ຄະນະດັ່ງກ່າວມີ

ສິດກວດກາ, ວິເຄາະວິໄຈ ຂ່າວສານດັ່ງກ່າວ ແລ້ວສັງລວມລາຍງານ ໃຫ້ຄະນະຮັບຜິດຊອບຊີ້ນຳລວມຊາບ ເພື່ອມີທິດຊີ້ນຳແລ້ວຈຶ່ງອະທິບາຍ, ຊີ້ແຈງ, ຕອບ ລົງໃນສື່ຕ່າງໆ ເພື່ອໃຫ້ເຂົາເຈົ້າຮັບຮູ້ ແລະ ເຂົ້າໃຈ