ແກ່ນທ້າວ ກຽມບໍາລຸງທິດສະດີການເມືອງການປົກຄອງ ໃຫ້ພະນັກງານຫລັກແຫລ່ງຂັ້ນເມືອງ

39

ແກ່ນທ້າວ ກຽມບໍາລຸງທິດສະດີການເມືອງການປົກຄອງ ໃຫ້ພະນັກງານຫລັກແຫລ່ງຂັ້ນເມືອງຂປລ. ແຫລ່ງຂ່າວຈາກ ເມືອງແກ່ນທ້າວ ແຂວງໄຊຍະບູລີ ໃຫ້ຮູ້ວ່າ: ເມືອງແກ່ນທ້າວ ຈັດກອງປະຊຸມ ປຶກສາຫາລື ກະກຽມໄຂຊຸດບໍາລຸງທິດສະດີການເມືອງ ແລະ ການປົກຄອງ ຊັ້ນຕົ້ນ (3 ເດືອນ) ໃຫ້ພະນັກງານຫລັກແຫລ່ງຂັ້ນເມືອງ ໃນວັນທີ 8 ກັນຍາ 2021 ໂດຍມີ ສະຫາຍ ປະເສີດ ອິນວົງຄໍາ ຮອງເລຂາພັກເມືອງ, ປະທານແນວລາວສ້າງຊາດເມືອງ, ມີກໍາມະການປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ ແລະ ຄະນະຮັບຜິດຊອບ ເຂົ້າຮ່ວມ.ສະຫາຍ ນາງ ສຸລິຍັນ ສູນວິໄລ ກໍາມະການປະຈໍາພັກເມືອງ, ຫົວໜ້າຄະນະໂຄສະນາອົບຮົມເມືອງ ໄດ້ຜ່ານບົດສະເໜີໂຄງການຍົກລະດັບທິດສະດີການເມືອງ-ການປົກຄອງ ຊັ້ນຕົ້ນ. ຈາກນັ້ນ, ອະນຸກໍາມະການຕ່າງໆ ກໍໄດ້ປະກອບຄໍາຄິດເຫັນຕໍ່ກອງປະ ຊຸມ ເພື່ອກະກຽມຄວາມພ້ອມດ້ານຕ່າງໆ ເປັນຕົ້ນ ດ້ານບຸກຄະລາກອນຜູ້ທີ່ຈະເຂົ້າຮຽນ, ຄ່າລົງທະບຽນ, ສະຖານທີ່ຮຽນ, ອຸປະກອນຮັບໃຊ້ ແລະ ຄູ-ອາຈານທີ່ມາສອນ.ຂ່າວ: ຖວທ ແກ່ນທ້າວ