ກຳປູເຈຍ ຈັດກອງປະຊຸມສຸດຍອດລຸ່ມແມ່ນ້ຳຂອງຄັ້ງທີ 7 ໃນວັນນີ້

39

ຂປລ.ເວັບໄຊ ໜັງສືພິມ ພະນົມເປັນ ໂພສ ຂອງກຳປູເຈຍ ລາຍງານວ່າ:,ທ່ານ ຮຸນ ເຊນ,(Hun Sen),ນາຍົກລັດຖະມົນຕີ ກຳປູເຈຍ ຈະເປັນປະທານ ກອງປະຊຸມ ສຸດຍອດ ທາງໄກ ການຮ່ວມມື ທາງເສດຖະກິດ ໃນອະນຸ ພາກພື້ນ ລຸ່ມແມ່ນ້ຳຂອງ ຫລື (Greater Mekong Subregion : GMS) ຄັ້ງທີ່7 ໃນວັນທີ9 ກັນຍາ2021 ພາຍໃຕ້ຫົວຂໍ້ “Renewed Strength to Face the Challenges of the New Decade”ຫລື “ສ້າງຄວາມເຂັ້ມແຂງ ໃຫ້ກັບ ສິ່ງທ້າທາຍ ໃນທົດສະວັດໃໝ່” ໂດຍມີ ຜູ້ນຳຂອງກຸ່ມປະເທດ ລຸ່ມແມ່ນ້ຳຂອງ ລວມມີ ທ່ານ ຫລີ ເຄີຊຽງ(Li Keqiang), ນາຍົກລັດຖະມົນຕີຈີນ,ຜູ້ນຳຈາກ ລາວ,ມຽນມາ,ໄທ,ຫວຽດນາມ ແລະ ປະທານ ທະ ນາຄານ ພັດທະນາອາຊີ(ADB)ເຂົ້າຮ່ວມ ເພື່ອທົບທວນ ຄວາມຄືບໜ້າ ຂອງການຮ່ວມມື ນັບຕັ້ງແຕ່ ກອງປະຊຸມຄັ້ງທີ່6 ເມື່ອວັນທີ31ມີນາ 2018 ຢູ່ຫວຽດ ນາມ. ນອກຈາກນີ້ ຍັງຈະມີການກຳນົດ ແຜນການປະຕິບັດ ໃນອະນາຄົດ ແລະ ທິດທາງ ຄວາມພະຍາຍາມ ຂອງກຸ່ມປະເທດ ລຸ່ມແມ່ນ້ຳຂອງ ໃນໄລຍະ3ປີຕໍ່ໜ້າ ດ້ວຍ ການສະໜັບ ສະໜູນ ຈາກ ທະນາຄານ ເອດີບີ.ສຳລັບ ຈີເອັມເອສ ຈະເນັ້ນຄວາມສຳຄັນ ໃນຫລາຍໂຄງການ ໃນຂົງເຂດ ຄົມມະນາຄົມ ຂົນສົ່ງ, ພະລັງງານ, ການສື່ ສານ ໂທລະຄົມ ມະນາຄົມ, ສິ່ງແວດລ້ອມ, ການພັດທະນາ ຊັບພະຍາ ກອນມະນຸດ.ການທ່ອງທ່ຽວ, ການຄ້າ, ການລົງທຶນ ຂອງພາກເອກະຊົນ ແລະ ກະສິກໍາ ຕື່ມອີກ./.ຮຽບຮຽງຂ່າວໂດຍ ສະໄຫວ ລາດປາກດີ