ພະແນກອຸດສາຫະກໍາ ແລະ ການຄ້າ ລົງກວດກາ ລາຄາສິນຄ້າ ຢູ່ເທສະບານແຂວງໄຊສົມບູນ

245

ແຫລ່ງຂ່າວຈາກ ແຂວງໄຊສົມບູນ ໃຫ້ຮູ້ວ່າ: ວັນທີ 1 ຕຸລາ 2021 ນີ້ ທ່ານ ທອງດໍາ ຂຸນອຸດົມ ຫົວໜ້າພະແນກອຸດສາຫະກໍາ ແລະ ການຄ້າ ແຂວງໄຊສົມບູນ ສົມທົບກັບຫ້ອງການອຸດສະຫະກໍາ ແລະ ການຄ້າ ເມືອງອະນຸວົງ ລົງຕິດຕາມ, ກວດກາ ລາຄາສິນຄ້າ ໃນໄລຍະການລະບາດຂອງພະຍາດໂຄວິດ-19 ຢູ່ຕະຫລາດແຂວງໄຊສົມບູນ ແລະ ບັນດາຮ້ານຂາຍເຄື່ອງອ້ອມຂ້າງເທສະບານແຂວງ

ເພື່ອບໍ່ໃຫ້ຜູ້ປະກອບການສວຍໂອ ກາດກັກຕຸນ ແລະ ຂຶ້ນລາຄາສິນຄ້າ, ຂຶ້ນຄ່າບໍລິການ ຕາມລໍາພັງໃຈ, ເຊິ່ງເປັນການເອົາປຽບຜູ້ບໍລິໂພກໂດຍບໍ່ຊອບທໍາ, ທັງຮັບປະກັນໃຫ້ມີສິນຄ້າພຽງພໍ, ມີຄຸນນະພາບ ແລະ ຂາຍໃນລາຄາທີ່ເໝາະສົມ.

ການລົງເຄື່ອນໄຫວຄັ້ງນີ້, ນອກຈາກ ຕິດຕາມ, ກວດກາ ລາຄາສິນຄ້າແລ້ວ, ຍັງໄດ້ຄິດຕາມກວດກາ ການປະຕິບັດຕາມມາດຕະການປ້ອງກັນ ພະຍາດໂຄວິດ-19 ຢ່າງເຂັ້ມງວດ ເປັນຕົ້ນ ຕ້ອງມີການຮັກສາໄລຍະຫ່າງ 1 ແມັດຂຶ້ນໄປ, ໃສ່ຜ້າອັດປາກ-ດັງ ແລະ ຕ້ອງມີນໍ້າຢາລ້າງມືໄວ້ບໍລິການຢູ່ໜ້າຮ້ານ ຕື່ມອີກ.

.

ຂ່າວ: ພາພອນ ນະວົງໄຊ | ຂປລ