ວິທີແກ້ຊວຍ

1227

•ຄົນເຮົາເກີດມາຫລາຍພົບຫລາຍຊາດ ແຕ່ລະຄົນມີເຈົ້າກຳນາຍເວນທີ່ບໍ່ຄືກັນ ຈຶ່ງຄວນສວດເພຶ່ອຂໍຂະມາ ຕໍ່ເຈົ້າກຳນາຍເວນ ທັງອາດີດຊາດທີ່ຜ່ານມາ ຫລືເຄີຍລ່ວງເກີນແກ່ ເທບພະຍາດາ 16 ຊັ້ນຟ້າ 15 ຊັ້ນດິນ ຫລືເຄີຍສາບານ ບົນບານ ຕໍ່ສິ່ງສັກສິດທັງຫລາຍ ລວມທັງສິ່ງທີ່ເບິ່ງບໍ່ເຫັນທຸກປະການ

● ການຂໍຂະມາກຳບໍ່ແມ່ນການລົດກຳ ແຕ່ຢ່າງໃດ ແຕ່ເປັນການຂໍຂະມາຕໍ່ສິ່ງທີເຄີຍລ່ວງເກີນມາ ທຸກພົບ ທຸກຊາດຂອງຕົວເຮົາ ໂດຍທີ່ບໍ່ຮູ້ຫລືບໍ່ໄດ້ຕັ້ງໃຈ ເພື່ອໃຫ້ເຂົາເຫລົ່ານັ້ນ ອະໂຫສິກຳໃຫ້ແກ່ເຮົາ

•ຕໍ່ໄປນີ້ເປັນຄຳຂໍຂະມາ ແລະອະທິຖານຈິດ ສຳລັບອະທິຖານຕໍ່ຫນ້າພະພຸດທະຮູບ

● ຂໍແນະນຳ ຈະໄດ້ບໍ່ງົງ ອ່ານໃຫ້ເຂົ້າໃຈກ່ອນຈຶ່ງເຮັດ

● ບໍ່ຈຳເປັນຕ້ອງໄປວັດພະແກ້ວກະໄດ້ ເຮັດຢູ່ໃສ່ກໍ່ໄດ້ໃຫ້ຫັນຫນ້າໄປທາງ ( ທິດຕາເວັນອອກ ) ຕ້ອງເຮັດການເວລາ 12:00 ນາທີ ຫລືກ່ອນທ່ຽງ…ຖ້າເບິ່ງຈົນທູບດັບ ຫາກທູບຕິດລຸກເປັນໄຟ ຖືວ່າບໍ່ຜ່ານ ຫລັງ6ເດືອນໄປ ຄ່ອຍມາເຮັດໃຫມ່ອີກ

•ໃຕ້ທູບ 36 ດອກຫມາຍເຖິງໄຕພູມທັງ 36 ຊັ້ນ

ປະກອບດ້ວຍ 16 ຊັ້ນຟ້າ 15 ຊັ້ນດິນ ອະບາຍພູມ 4 ມະນຸດໂລກ 1 ລວມທັງຫມົດ 36 ຊັ້ນ

( ທຸກຊັ້ນຈະໄດ້ຮັບຊາບຢ່າງທົ່ວເຖິງ ) ຕຽມດອກບົວ 1 ກຳ ໄຫວ້ພະແກ້ວມໍລະກົດ ຫລັງເຮັດພິທີນີ້ດ້ານນອກແລ້ວ ( ຖ້າບໍ່ໄດ້ໄຫວ້ພະແກ້ວ ໃຫ້ລະນຶກເຖິງເອົາກໍ່ໄດ້ ) ດອກບົວຫລືດອກໄມ້ ເມື່ອເຮັດແລ້ວໃຫ້ຖວາຍສານພະພູມຫລືບູຊາໃນເຮືອນກໍ່ໄດ້

ແຫລະກ່າວ ( ນະ ໂມ 3 ຈົບ )

” ສັບພັງ ອະປະລາທັງ ຂະມະຖະເມ ພັນເຕອຸກາສະ ທະວາລັດຕະເຍນະ ກະຕັງ

ສັບພັງ ອະປະລາທັງ ຂະມະຖະເມ ພັນເຕອຸກາສະ ຂະມາມິ ພັນເຕ “

•ຫາກຂ້າພະເຈົ້າ ( ບອກຊື່ໂຕເອງ )

ຈົງໃຈຫລືປະຫມາດພາດພັ້ງລ່ວງເກີນ ບິດາ-ມານດາ ຄູບາອາຈານ

ພະພຸດ ພະທຳ ພະອໍລະຫັນທຸກພະອົງ ພະອະລິຍະສົງເຈົ້າ ຕະຫລອດຈົນເຖິງສິ່ງສັກສິດທັງຫລາຍ

ລວມເຖິງຜູ້ມີພະຄຸນ ແລະທ່ານເຈົ້າກຳ ນາຍເວນ ຈະດ້ວຍກາຍວາຈາ ໃຈ ກໍ່ດີ ຂໍໃຫ້ໄດ້ໂປດ ອະໂຫສິກຳແກ່ຂ້າພະເຈົ້າດ້ວຍເຖີດ…

ຫາກຂ້າພະເຈົ້າມີເຈົ້າຂອງໃນຕົວຕິດຕາມມາ ຂໍອະນຸຍາດມີຄູ່ ມີຄອບຄົວໄດ້ຄືຄົນປົກະຕິທົ່ວໄປ

ຊໍຖອນຄຳອະທິຖານຄຳສາບານທີ່ຈະຕິດຕາມຄູ່ໃນອະດີດດ ຂໍໃຫ້ຕ່າງຝ່າຍຕ່າງເປັນອິດສະຫລະ

ຂ້າພະເຈົ້າຈະປະພຶດຕົນໃນທາງທີ່ຖືກ ທີ່ດີ ທີ່ຄວນ ຂໍບຸນບາລະມີໃນອະດີດຕະການທີ່ຜ່ານມາຈົນເຖິງປັດຈຸບັນ ຈົ່ງສົ່ງຜົນໃຫ້ຂ້າພະເຈົ້າແຫລະຄອບຄົວຕະຫລອດຈົນບໍລິວານທີ່ກ່ຽວຂ້ອງຈົ່ງຈະເລີນດ້ວຍເຖີ້ນ…

ອາຍຸ ວັນະ ສຸຂະ ພະລາ ຍົດ ສຸກ ສັນເສີນ ສະຕິປັນຍາ ປະຕິພານ ທະນະສານສົມບັດ

ອຸປະສັກໃດໆ ໂລກໄພໃດໆ ຂໍໃຫ້ຫາຍສິ້ນໄປ

ຂໍໃຫ້ຂ້າພະເຈົ້າມີຄວາມສະຫວ່າງທັງທາງໂລກ ທາງທຳ ຕັ້ງແຕ່ບັດນີ້ຕາບເຂົ້າສູ່ພະນິພານເຖີດ

ຂ້າພະເຈົ້າຂໍຖອນຄຳສັນຍາ ຄຳສາບານ ຄຳອະທິຖານທີ່ຜູກມັດດ້ວຍຕົວເອງ ແລະ ຜູ້ອື່ນ

ຂໍໃຫ້ຕ່າງຝ່າຍຕ່າງເປັນອິດສະຫລະຈາກສັນຍາທັງປວງ ( ຫາກຂ້າພະເຈົ້າຫມົດອາຍຸແລ້ວ ຂ້າພະເຈົ້າຈະຂໍຢູ່ຕໍ່ເພື່ອສ້າງບາລະມີ )

ຫາກມີຜູ້ໃດເຄີຍສ້າງເວນສ້າງກຳກັບຂ້າພະເຈົ້າ ບໍ່ວ່າຈະຊາດໃດພົບໃດກໍ່ຕາມ

ຈ້າພະເຈົ້າຍິນດີ ອະໂຫສິກຳໃຫ້ ຂໍຖອນຄວາມອາຄາດພະຍາບາດ ແລະ ຄຳສາບແຊ່ງ ໃນທຸກຊາດທຸກພົບ

ຂໍໃຫ້ຂ້າພະເຈົ້າພົ້ນຈາກຄຳສາບແຊ່ງ ຂອງປວງຊົນ ຂອງເຈົ້າກຳ ນາຍເວນ

ຂໍໃຫ້ພົ້ນນະລົກ ພູມພົບແສງສະຫວ່າງທັງທາງໂລກ ທາງທຳ ເຖີດ…