ນາທີໄຟໄຫມ້ເຈດີໄມ້ 16ຊັ້ນ ສູງສຸດໃນເອເຊຍ ຖະຫລົ່ມລົງຕໍ່ຫນ້າຕໍ່ຕາ ( ມີຄຣິບ )

 

ເມື່ອວັນທີ 10ທັນວາ ເວລາ 12:40ນາທີ ເກີດເຫດເພີງໄຫມ້ຄັ້ງໃຫຍ່ອັນຫນ້າເສົ້າສະຫລົດໃຈທີ່ວັດຈິ່ວຫລົງ ເມືອງຫມຽນຈູ໋ ມົນທົນເສສວນ ແປວໄຟກືນກິນອາຣາມຫລັກຂອງວັດ ແລະ ເຈດີໄມ້ສູງ 16ຊັ້ນ ເຊິ່ງໄດ້ຊື່ວ່າສູງທີ່ສຸດໃນ ທະວີບເອເຊຍ

 

ເຈດີໄມ້ແຫ່ງນີ້ສ້າງມາເປັນເວລາ 8ປີ ຄວາມສູງ 16ຊັ້ນ ຫລື ປະມານ 80ປາຍແມັດ ສ້າງດ້ວຍຮູບແບບສະຖາປັດຕະຍະກຳບູຮານຈີນ

ຜູ້ທີ່ຢູ່ໃນທີ່ເກີດເຫດຖ່າຍຮູບຂະນະເກີດເພີງໄຫມ້ໄວ້ໄດ້ ພ້ອມກັບເຫັນວິນາທີທີ່ເຈດີໄມ້ແຫ່ງນີ້ຖືກໄຟເຜົາທຳລາຍຈົນພັງຖະຫລົ່ມລົງຕໍ່ຫນ້າຕໍ່ຕາ ສຽງຜູ້ຄົນຮ້ອງດ້ວຍຄວາມເສົ້າສະຫລົດໃຈຍ່າງຫລວງຫລາຍ ໂດຍແປວໄຟລຸກໄຫມ້ກິນ ພື້ນທີ່ 800ຕາລາງແມັດ ບໍ່ມີລາຍງານຜູ້ເສຍຊີວິດ ສ່ວນສາເຫດເພີງໄຫມ້ຍັງຄົງຢູ່ລະຫວ່າງການສືບສວນ