ສະຫະຣັດ ຢຸດຍິງຂີປະນາວຸດຖະຫຼົ່ມຊີເຣຍ ເຜີຍເສຍຊີວີດ 3 ຄົນ
ສະຫະຣັດ ຍຸຕິຍິງຂີປະນາວຸດໂຈມຕີສາງເກັບອາວຸດເຄມີຂອງກອງທັບຊີເຣຍ ລາຍງານເຜີຍມີຜູ້ເສຍຊີວິດ 3 ຄົນ
ວັນທີ 14 ເມສາ 2018 ສື່ຂ່າວຕ່າງປະເທດລາຍງານວ່າ ຣັດຖະບານສະຫະຣັດອາເມຣິກາ ໄດ້ສັ່ງຍຸຕິຍິງຂີປະນາວຸດ ໂຈມຕີຊີເຣຍແລ້ວ ຫຼັງຈາກຕອນເຊົ້າຕາມເວລາທ້ອງຖິ່ນ ປະນາທິບໍດີ ໂດນັລ ທຣັ້ມ ໄດ້ອອກຖະແຫຼງການຜ່ານທາງໂທລະພາບປະກາດເປີດປະຕິບັດການທະຫານໂຈມຕີຊີເຣຍ
ໂດຍການໂຈມຕີດັ່ງກ່າວ ເປັນຄວາມເຫັນພ້ອມກັນຂອງຊາດພັນທະມິດ ນັ້ນກໍ່ຄືອັງກິດ ແລະ
ຝຣັ່ງ ເພື່ອຕອບໂຕ້ຣັດຖະບານຊີເຣຍທີ່ໃຊ້ອາວຸດເຄມີໂຈມຕີທາງອາກາດໃນເມືອງດູມາ
ພື້ນທີ່ຍຶດຄອງຂອງກຸ່ມກະບົດ ໃນເຂດພູຕາເວັນອອກ ຈົນມີພົນລະເມືອງເສຍຊີວິດກວ່າ 70 ຄົນ ແລະ
ບາດເຈັບຈຳນວນຫຼາຍຮ້ອຍຄົນ ເມື່ອວັນທີ 7 ເມສາ ທີຜ່ານມາ
ການໂຈມຕີຂອງສະຫະຣັດ ແລະ ຊາດພັນທະມິດເທື່ອນີ້
ຫວັງຖະຫຼົ່ມສາງເກັບອາວຸດເຄມີຂອງກອງທັບຊີເຣຍ