ຕາຮັກບໍ່? ຫໍຄອຍ “ປາປັກກະເປົ້າ” ໜ້າຕາໂດດເດັ່ນ ເບິ່ງແປກຕາດີ

ສຳນັກງານຂ່າວປະເທດຈີນລາຍງານວ່າ ສັງຄົມອອນໄລນ໌ກຳລັງໃຫ້ຄວາມສົນໃຈສິ່ງປູກສ້າງຮູບຮ່າງແປກຕາທີ່ຕັ້ງຢູ່ແຄມນ້ຳແຍງຊີ ເປັນປະຕິມະກຳອານຸສາວະລີໂດດເດັ່ນສະດຸດຕາ “ປາປັກກະເປົ້າ” ນ້ຳໜັກກວ່າ 2,100 ໂຕ້ນ ຖືກນຳມາຕັ້ງໄວ້ເປັນແລນມາກແຫ່ງໃໝ່ຂອງເມືອງ

ອານຸສາວະລີແຫ່ງນີ້ ຕັ້ງຢູ່ແຄມນ້ຳແຍງຊີ ເມືອງຈັ່ນຈຽງ ມົນທົນ ຈຽງຊູ ສ້າງໂດຍຄະນະວິສະວະກຳອອກແບບ ມະຫະວິທະຍາໄລຈົງຈື ເພື່ອບົ່ງບອກເຖິງລະບົບນິເວດຂອງທ້ອງຖິ່ນທີ່ອຸດົມໄປດ້ວຍປາປັກກະເປົ້າ ໂດຍສະເພາະປາປັກກະເປົ້າແຂ້ວສີ່ເຫຼັ້ມ ທີ່ເຄີຍມີຢູ່ຊຸກຊຸມໃນພື້ນທີ່ແມ່ນ້ຳແຍງຊີບໍລິເວນນີ້ ແຕ່ເລີ່ມລົດຈຳນວນລົງເລື້ອຍໆ

ສຳຫຼັບອານຸສາວະລີປາປັກກະເປົ້າ ມີຄວາມສູງປະມານ 62 ແມັດ ລຳໂຕກວ້າງ 44 ແມັດ ຍາວ 90 ແມັດ ນ້ຳໜັກລວມບໍ່ຕ່ຳກວ່າ 2,100 ໂຕ້ນ ສ້າງຂຶ້ນເພື່ອຢາກໃຫ້ຄົນທ້ອງຖິ່ນໄດ້ຄຳນຶງເຖິງການລຸກລ້ຳຊັບພະຍາກອນທຳມະຊາດ ແລະ ສົ່ງຜົນກະທົບຕໍ່ລະບົບນິເວດວິທະຍາຂອງແມ່ນ້ຳ