ແມ່ຊາວອິນເດຍຄາແຕ່ເຊວຟີ້ ເຮັດລູກນ້ອຍໄວ 10 ເດືອນຫຼຸດມື ຕົກຂັ້ນໄດເລື່ອນ ຕາຍ!
ເກີດເຫດເສົ້າສະຫຼົດໃຈທີ່ປະເທດອິນເດຍ
ແມ່ອຸ້ມແອນ້ອຍແຕ່ເຮັດຫຼຸດຈາກອ້ອມແຂນ ໃນຂະນະທີ່ນາງກຳລັງຖ່າຍຮູບເຊວຟີ້ກັບຜົວຂະນະທີ່ຂຶ້ນຂັ້ນໄດເລື່ອນ
ເຮັດໃຫ້ແອນ້ອຍຫຼຸດມື ຕົກຈາກຂັ້ນໄດເລື່ອນຕົກກະທົບພື້ນເສຍຊີວິດ
ສຳນັກງານຊ່າວຕ່າງປະເທດລາຍງາຍວ່າ
ຊາຍຍິງຄູ່ໜຶ່ງ ພາລູກສາວໄວ 10 ເດືອນໄປຊື້ເຄື່ອງທີ່ຫ້າງສັບພະສິນຄ້າແຫ່ງໜຶ່ງໃນເມືອງຊຣີກັນກະນາກາ
ໃນຣັດປັນຈາບ ທາງຕາເວັນຕົກສຽງເໜືອຂອງອິນເດຍ ເມື່ອວັນທີ່ 10 ພຶດສະພາທີ່ຜ່ານມານີ້
ແຕ່ໃນຂະນະທີ່ພວກເຂົາກຳລັງຍ່າງຂຶ້ນຂັ້ນໄດເລື່ອນ ທັງຄູ່ຕັດສິນໃຈຖ່າຍຮູບເຊວຟີ້
ແຕ່ຜູ້ເປັນແມ່ກັບເສຍຫຼັກ ເຮັດລູກຫຼຸດມືຕົກລົງມາ 3 ຊັ້ນ ແລະ ກະທົບໃສ່ພື້ນຈົນເສຍຊີວິດ
ໂດຍເຫດການທັງໝົດກ້ອງວົງຈອນປິດສາມາດບັນທຶກເອົາພາບເຫດການເອົາໄວ້ໄດ້
ຂະນະທີ່ພະຍານຜູ້ເຫັນເຫດການບອກກັບສື່ວ່າ
ຊາຍຍິງຕູ່ນີ້ຖ່າຍຮູບເຊວຟີ້ ຫຼັງຈາກຍ່າງຂຶ້ນຂັ້ນໄດເລື່ອນ ແຕ່ຝ່າຍຍິງເກີດເສຍຫຼັກຂະນະຕຽມໂຕຖ່າຍຮູບ
ເຮັດໃຫ້ເປັນຈັງຫວະດຽວກັນກັບທີ່ເຮັດລູກນ້ອຍຕົກອອກຈາກອ້ອມແຂນ
ໂຄສົກຕຳຫຼວດບອກວ່າ
ນີ້ເປັນອຸປະຕິເຫດຢ່າງຊັດເຈນ ແລະ ພວກເຂົາກຳລັງສືບສວນຫາຂໍ້ແທ້ຈິງຂອງຄະດີນິ້
ເຖິງວ່າຄອບຄົວຂອງເດັກບໍ່ຕິດໃຈກັບການເສຍຊີວິດເທື່ອນີ້ກໍ່ຕາມ