ສາດສະດາຈານຊື່ດັງໄວ 104 ປີ ຈົບຊີວິດທີ່ຄລີນິກຂ້າໂຕຕາຍໃນສະວິດແລ້ວ
ສາດສະດາຈານ ເດວິດ
ກູ້ດອໍລ໌ ເສຍຊີວິດຢ່າງສະຫງົບແລ້ວໃນໄວ 104 ປີ ຫຼັງໄປສະວິດສະແລນເພື່ອໃຫ້ແພດກະທຳການປິດຊີວິດໃຫ້
ສຳນັກງານຂ່າວຕ່າງປະເທດລາຍງານວ່າ
ສາດສະດາຈານ ເດວິດ ກູ້ດອໍລ໌ ນັກເສດຖະສາດ ແລະ ນັກພຶກສາສາດຊາວອົດເຕລີເຊື້ອສາຍອັງກິດໄວ
104 ປີ ເສຍຊີວິດຢ່າງສະຫງົບແລ້ວ ຫຼັງຕັດສິນໃຈໃຫ້ແພດຂອງຄລີນິກແຫ່ງໜຶ່ງໃນປະເທດສະວິດສະແລນ
ກະທຳການປິດຊີວິດໃຫ້ກັບລາວ
ທ່ານ ຟີລິບ ນິດເກ
ຜູ້ກໍ່ຕັ້ງ “ເອັກຊິດ ອິນເທີເນຊັນນອລ” ເຊິ່ງໃຫ້ຄວາມຊ່ວຍເຫຼືອຜູ້ທີ່ຕ້ອງການຈົບຊີວິດໂຕເອງເຜີຍວ່າ
ສ.ກູ້ດອໍລ໌ ເສຍຊີວິດຢ່າງສະຫງົບເວລາ 12:30 ວັນພະຫັດທີ່ 10 ພຶດສະພາ
ຕາມເວລາທ້ອງຖິ່ນທີ່ຄລີນິກ “ໄລຟ໌ ເຊີເຄີນ” ໃນເມືອງບາເຊີນ ໂດຍອາຫານຄາບສຸດທ້າຍຂອງລາວແມ່ນ
ປາ ມັນຝຣັ່ງທອດ ກັບຊີສເຄັກທີ່ລາວມັກ ແລະຟັງບົດເພງ “Ode to joy” ຈາກຊິມໂຟນີໝາຍເລກ 9 ຂອງບີໂທເຟັນກ່ອນຈະສິ້ນໃຈດ້ວຍຢາ
ເນມບູທັລ (Nembutal)
ສ.ກູ້ດອໍລ໌ສັ່ງເສຍໄວ້ພ້ອມວ່າ
ບໍ່ຕ້ອງຈັດພິທີສົບໃຫ້ລາວ ແລະ ຂໍບໍລິຈາກຮ່າງຫາຍໃຫ້ກັບການແພດ ຫຼື ນຳເຖົ່າກະດູກຂອງລາວໄປໂຮຍໄວ້ພື້ນທີ່ແຖວນີ້ພ້ອມ
ທັງນີ້
ສ.ກູ້ດອໍລ໌ ຜູ້ທີ່ໄດ້ຊື່ວ່າເປັນນັກວິທະຍາສາດທີ່ອາຍຸສູງທີ່ສຸດທີ່ຍັງສາມາດເຮັດວຽກໄດ້ໃນປະເທດອົສເຕລີ
ບໍ່ໄດ້ປ່ວຍຫຼືເປັນໂລກຫຍັງ ແຕ່ລາວທົນບໍ່ໄດ້ກັບຄຸນນະພາບການໃຊ້ຊີວິດເສື່ອມຖອຍລົງ
ໂດຍຮູ້ສຶກເສຍໃຈທີ່ມີຊີວິດຢູ່ມາຈົນເຖີງປານນີ້ ແລະ ຍັງບໍ່ຢາກກາຍເປັນຄົນປ່ວຍໜັກຈົນຕາຍໃນທີ່ສຸດ
ຈຶ່ງຕັດສິນໃຈຈົບຊີວິດໂຕເອງຂະນະທີ່ຍັງມີຄຸນນະພາບຊີວິດທີ່ດີີຢູ່
