ຝຣັ່ງເສດປ່ວນໜັກ 3 ເດຶອນ ! ເຫດພະນັກງານລົດໄຟຢຸດງານປະທ້ວງແຜນປະຕິຮູບແຮງງານ

ພະນັກງານການລົດໄຟຝຣັ່ງເສດ ເລີ່ມຕົ້ນການປະທ້ວງອັງຄານສີດຳ ຫຼື ”Black Tuesday ” ເພື່ອຄັດຄ້ານ ກົດໝາຍການປະຕິຮູບແຮງງານຂອງ ປະທານາທິບໍດີເອມມານູເອວ ມາຄອງເປັນເວລາ 3 ເດຶອນ

ທັນທີທີ່ການປະທ້ວງເລິ່ມຕົ້ນຂຶ້ນເມື້ອວັນອັງຄານທີ່ 3 ເມສາເປັນຕົ້ນມາ ການສັນຈອນໂດຍລົດໄຟຝຣັ່ງເສດເຂົ້າສູ່ພາວະວິກິດ ເຊິ່ງໃນວັນທີ່ພະນັກງານຈັດການປະທ້ວງ ທີ່ເມືອງປາຣີສ ມີລົດໄຟປິດໃຫ້ບໍລິການ ພຽງຮ້ອຍລະ 25 ແລະຮ້ອຍລະ 30 ໃນສ່ວນອື່ນຂອງຝຣັ່ງເສດ

ໂດຍພະນັກງານການລົດໄຟຈະອອກມາປະທ້ວງ 2 ມື້ ແລະກັບໄປໃຫ້ບໍລິການແລ່ນລົດ 3 ມື້ ສະລັບກັນໄປຈົນຮອດວັນທີ່28 ມິຖຸນາ  ການຊຸມນຸມປະທ້ວງຂອງພະນັກງານການລົດໄຟ ຂອງຝຣັ່ງເສດເທື່ອນີ້ ຖືເປັນການທ້າທາຍສຳຫຼັບ ປະທານາທິບໍດີ ມາຄອງ ທີ່ຫາກໍ່ກ້າວຂື້ນມາດຳລົງຕຳແໜ່ງ ປະທານາທິບໍດີຝຣັ່ງເສດ ໄວໆນີ້ ເມື່ອປີກ່ອນ ໂດຍສະຫະພາບການລົດໄຟຝຣັ່ງເສດໄດ້ເບິ່ງວ່າ ກົດໝາຍປະຕິຮູບແຮງງານອາດເປັນແຜນປູທາງສູ່ການແປຮູບລັດວິສະຫະກິດ ຂອງການລົດໄຟໃນອານາຄົດ ເຊິ່ງຣັດຖະບານຝຣັ່ງເສດໄດ້ອອກມາປະຕິເສດເລື່ອງດັ່ງກ່າວ