"ທຣັ້ມ" ອອກໂຕຍົກຍ້ອງ "ຄິມ ຈອງ ອືນ" ເປັນຜູ້ນຳທີ່ມີກຽດຢ່າງຍິ່ງ

ປະທານາທິບໍດີໂດນັນ ທຣັ້ມຂອງສະຫະຣັດກ່າວຍົກຍ້ອງທ່ານຄິມ ຈອງ ອືນ ຜູ້ນຳເກົາຫຼີເໜຶອວ່າເປິດກວ້າງແລະເປັນຄົນທີ່ມີກຽດຢ່າງຍິ່ງ ສຳນັກຂ່າວຕ່າງປະເທດລາຍງານຈາກເມືອງວໍຊີງຕັນ ປະເທດສະຫະຣັດອາເມຣິກາ ເມື່ອວັນທີ 24 ເມສາ ວ່າ ປະທານາທິບໍດີໂດນັນທຣັ້ມ ຂອງສະຫະຣັດຖະແຫຼງຂ່າວຕໍ່ນັກຂ່າວຂະນະເປັນເຈົ້າພາບຮັບຮອງການເດີນທາງມາຢາມທຳນຽບຂ່າວຢ່າງເປັນທາງການຂອງປະທານາທິບໍດີເອັມມານູເອວ ມາຄົງ ຂອງຝຣັ່ງວ່າ ທ່ານຄິມ ຈອງ ອືນ ຜູ້ນຳເກົາຫຼີເໜຶອເປັນບຸກຄົນທີ່ເປີດກ້ວາງຫຼາຍແລະເປັນບຸກຄົນທີມີກຽດຢ່າງຫຍິ່ງ ເພາະຜູ້ນຳເກົາຫຼີເໜືອໄດ້ສະແດງອອກເຖິງຄວາມຕ້ອງການທີ່ຈະໄດ້ພົບກັບເຂົາໂດຍໄວທີສຸດເທົ່າທີຈະເຮັດໄດ້ ເຊີ່ງທີ່ຜ່ານມາໄດ້ມີການຫາລືກັນຢ່າງດີ ແຕ່ຜູ້ນຳສະຫະຣັດກໍ່ຄາດໝາຍວ່າ ການປະຊຸມສຸດຍອດຮ່ວມກັນລະຫວ່າງເຂົາກັບເກົາຫຼີເໜຶອອາດຈະມີຂື້ນໄດ້ກ່ອນສີ້ນເດືອນມິຖຸນານີ້

 ປະທານາທິບໍດີທຣັ້ມກ່າວອີກວ່າ ມີຄຳສັນຍາຫຼວງຫຼາຍຈາກເກົາຫຼີເໜຶອເກີດຂື້ນໃນຊ່ວງຫຼາຍປີທີ່ຜ່ານມາ ແຕ່ເຮົາກໍ່ຍັງບໍ່ໄດ້ຢູ່ໃນສະຖານະທີ່ຈະເຮັດຕາມນັ້ນໄດ້ຢ່າງໃດກໍ່ຕາມ ຜູ້ນຳສະຫະຣັດກ່າວຢ້ຳວ່າ ເຂົາຈະຖອນໂຕຈາກການປະຊຸມສຸດຍອດກັບເກົາຫຼີເໜືອຫາກບໍ່ບັງເກີດຜົນໃດໆຂື້ນມາໃນວັນສຸກທີ່ 27 ເມສານີ້ ທ່ານຄິມ ຈອງ ອືມ ຜູ້ນຳສູງສຸດຂອງເກົາຫຼີເໜຶອມີກຳໜົດພົບເຈລະຈາຄັ້ງປະຫວັດສາດກັບປະທານາທິບໍດີມຸນ ແຈ-ອືນ ຂອງເກົາຫຼີໃຕ້ທີ່ເຮືອນສັນຕິພາບໝູ່ບ້ານປັນມຸນຈອມ ເຂດປອດທະທານບໍລິເວນພົມແດນເກົາຫຼີເໜຶອແລະເກົາຫຼີໃຕ້ເປັນການປະຊຸມຫາລືຂອງຜູ້ນຳສູງສຸດໃນການດຳເນີນຄວາມພະຍາຍາມທາງການທູດຂອງປະເດັນອາວຸດນິວເຄລຍເທິງມະຫາສະໝຸດເກົາຫຼີເປັນທີ່ສຳຄັນ