ອຶ້ງ!!! ແມ່ຈີນປ້ອນ "ອີ່ຮວກເປັນໆ" ໃຫ້ລູກກິນ ອ້າງວ່າ ຊ່ວຍໃຫ້ສຸຂະພາບດີ (ມີຄລິບ)

ຍິງຊາວຈີນຖ່າຍຄລິບປ້ອນອີ່ຮວກໂຕເປັນໆ ໃຫ້ລູກກິນ ໂດຍອ້າງວ່າຈະເຮັດໃຫ້ສຸຂະພາບດີ ແຕ່ຜູ້ຊ່ຽວຊານເຕືອນ ອາດເຮັດໃຫ້ຕິດໂລກພະຍາດຮ້າຍແຮງ

ສຳນັກຂ່າວຕ່າງປະເທດລາຍງານເມື່ອ 3 ເມສາ ວ່າຜູ້ໃຊ້ງານອິນເຕີເນັດໃນຈີນກຳລັງວິພາກວິຈານການກະທຳຂອງວີດີໂອໜຶ່ງ ເຊິ່ງສະແດງໃຫ້ເຫັນພາບຍິງສາວຊາວຈີນກຳລັງໃຊ້ບ່ວງຕັກອິ່ຮວກໂຕເປັນໆ ປ້ອນໃຫ້ລູກຊາຍໂຕນ້ອຍກິນ ໂດຍອ້າງວ່າສິ່ງທີ່ມີຊີວິດນີ້ຈະເຮັດໃຫ້ລູກຊາຍຂອງຕົນມີສຸຂະພາບແຂງແຮງດີ

ຢ່າງໃດກໍ່ຕາມ ແພດຫຼາຍຄົນເຕືອນວ່າ ບໍ່ຄວນຮຽນແບບການກະທຳຂອງຍິງຄົນນີ້ ເພາະວ່າອີຮວກມັກມີເຊື້ອໂລກປະປົນຢູ່ ແລະ ຖ້າວ່າກິນເຂົ້າໄປແບບດິບໆ ອາດຈະເຮັດໃຫ້ເດັກນ້ອຍໄດ້ຮັບພະຍາດດ້ວຍ

ດັ່ງນີ້ ການໃຫ້ເດັກນ້ອຍກິນອິ່ຮວກເປັນໆ ຖືເປັນເລື່ອງປົກກະຕິໃນພື້ນທີ່ແຖບຊົນນະບົດບາງແຫ່ງຂອງຈີນ ໂດຍກອງທຶນວິທະຍາສາດທຳມະຊາດແຫ່ງຊາດ ຂອງຈີນ ເຜີຍແຜ່ເມື່ອປີ 2012 ເຕືອນເຖິງຄວາມສ່ຽງຂອງພຶດຕິກຳແບບນີ້ທີ່ກຳລັງເກີດຂຶ້ນຢ່າງຫຼວງຫຼາຍຂຶ້ນເລື້ອຍໆ

ຕາມຜົນການສຶກສາຂອງທີມນັກວິໄຈ ອີ່ຮວກຈຳນວນ 11.93% ຂອງທັງໝົດໃນມົນທົນເຫີໜານ ຕິດເຊື້ອໂຕອ່ອນຂອງພະຍາດໂຕແປ (Plerocercoids) ຖ້າໃຫ້ເດັກນ້ອຍກິນດິບໆ ອາດເຮັດໃຫ້ເປັນໂລກ "ສະປາກາໂນຊິສ" (Sparganosis) ເຊິ່ງເປັນເຊື້ອທີ່ອັນຕະລາຍຂັ້ນຮຸນແຮງໄດ້

ແມ້ແຕ່ຜູ້ໃຫຍ່ກໍ່ອາດເຮັດໃຫ້ເກີດອັນຕະລາຍໄດ້ ເພາະມີຕົວຢ່າງມາແລ້ວໃນອາດີດ ຊາວໄຮ່ອາຍຸ 29 ປີ ເຂົ້າຮັບການຮັກສາໂຕໃນໂຮງໝໍດົນຫຼາຍເດືອນໂດຍມີອາການສາຫັດ ແລະ ຕິດເຊື້ອພະຍາດເພາະລາວມັກກິນອີ່ຮວກເປັນປະຈຳ ເພາະເຊື່ອວ່າມັນຈະສາມາດຮັກສາໂລກຜິດໜັງຂອງລາວໄດ້