ຂົນລຸກເລີຍ! ຊາກໄຟໂນ໊ດບຸ໊ກ ໂທລະສັບ ເຕັມປັກເກີດລະເບີດໄຟໄຫມ້ເຮືອນ

ເກີດເຫດໄຟໄໝ້ທີ່ເຮືອນເລກທີ່ 399/182 ຫມູ່ບ້ານຮ່ງເຮືອງຄໍລິຕີ້ເຮົ້າສ໌ ຕຳບົນຫນອງຈ໊ອມ ອຳເພີສັນຊາຍ ຈັງຫວັດ ຊຽງໃໝ່ ເຊິ່ງເປັນເຮືອນຊັ້ນດຽວໄຟໄດ້ລຸກໄໝ້ບໍລິເວນຫ້ອງຮັບແຂກລຸກລາມຢ່າງໄວ ເຈົ້າຂອງເຮືອນໄດ້ຮ້ອງຂໍຄວາມຊ່ວຍເຫຼືອຈົນແຕກຕື່ນກັນທັງຮ່ອມຂະນະທີ່ຄົນຂ້າງເຮືອນມາຊ່ວຍກັນດັບໄຟ ໃຊ້ເວລາປະມານ 20 ນາທີ ຈື່ງດັບໄຟໄວ້ໄດ້ກ່ອນທີ່ລົດດັບເພີງຈະມາຮອດ ແຕ່ ຊັບສິນບໍລິເວນຫ້ອງຮັບແຂກໄດ້ຮັບຄວາມເສຍຫາຍເກືອບໝົດ

ເຈົ້າຂອງເຮືອນບອກວ່າ ກ່ອນເກີດເຫດໄດ້ນັ່ງເຮັດວຽກບໍລິເວນຫ້ອງຮັບແຂກໂດຍສຽບປັກຊາກໄຟຄອມພິວເຕີ້ໂນ໊ດບຸ໊ກແລະພັດລົມເພື່ອລະບາຍຄວາມຮ້ອນລວມທັງໂທລະສັບອີກ 2 ໜ່ວຍ ລວມກັນທີ່ປັກໂດຍວາງຄອມແລະໂທລະສັບໄວ້ເທິງໂຊຟາ ຫຼັງຈາກນັ່ງເຮັດວຽກໄດ້ປະມານ 3 ຊົ່ວໂມງເກີດຢາກຫຼັບຈຶ່ງຫຼັບໄປຈົນໄດ້ຍິນສຽງລະເບີດດັງຂື້ນໃນເຮືອນຕື່ນມາເຫັນປະກາຍໄຟຈາກໂທລະສັບແລະຄອມໄປຕິດຜ້າກັ້ງປະຕູຈົນເກີດໄຟລຸກໄຟລາມ ເມື່ອຕັ້ງສະຕິໄດ້ຈຶ່ງຟ້າວແລ່ນໄປຫຼັງບ້ານເອົານ້ຳມາດັບແລ້ວຮ້ອງຂໍຄວາມຊ່ວຍເຫຼືອຈາກຄົນໃກ້ເຮືອນຈົນພາກັນມາຊ່ວຍກັນດັບໄຟໄດ້ທັນພໍດີ