ບື້ມ!!! ສະນັ່ນໃນວັນເກີດ ນາທີປຸມເປົ້າລະເບີດ ຂະນະສາວຈູດທຽນເປົ່າເຄັກ

ຄລິບວິນາທີປຸມເປົ້າລະເບີດໃນງານວັນເກີດ ຫຼັງແປວໄຟຈາກທຽນປິວໄປຖືກ ກ່ອນເຮັດສາວເຈົ້າຂອງງານຕື່ນຕົກໃຈແລ່ນປົບຕາຍບໍ່ຄິດຊີວິດ

ວັນທີ່ 24 ເມສາ 2018 ໃນໂລກອອນໄລນ໌ໄດ້ມີການສົ່ງຕໍ່ຄລິບ ເປັນອຸທາຫອນເຕືອນໃຈໃຫ້ລະວັງ ຫຼັງເກີດເຫດປຸມເປົ້າລະເບີດກາງງານວັນເກີດ

 ໂດຍຄລິບໄດ້ເຜີຍໃຫ້ເຫັນພາບງານສ້າງສັນວັນເກີດຂອງສາວຄົນໜຶ່ງ ເຊິ່ງລະຫວ່າງທີ່ກຳລັງຈູດທຽນເປົ່າເຄັກ ໄດ້ເກີດເຫດບໍ່ຄາດຝັນຂຶ້ນ ເມື່ອແປວໄຟລອຍໄປກະທົບກັບປຸມເປົ້າອັດແກ໊ສທີ່ລອຍຢູ່ທາງຂ້າງ ຈົນເຮັດໃຫ້ເກີດໄຟລຸກຖ້ວມ ສ້າງຄວາມຕົກໃຈໃຫ້ກັບຜູ້ຮ່ວມງານຢ່າງໜັກ ໂດຍສະເພາະສາວເຈົ້າຂອງວັນເກີດ ທີ່ຮ້ອງອອກມາດ້ວຍຄວາມຕົກໃຈ ແລະ ແລ່ນໜີຢ່າງບໍ່ຄິດຊີວິດ

ຫຼັງຈາກເກີດເຫດທີ່ເກີດຂຶ້ນເຖິງວ່າຈະບໍ່ມີໃຜຮັບບາດເຈັບຫຼືເປັນອັນຕະລາຍເຖິງຊີວິດ ແຕ່ຢ່າຈູດໄຟໃກ້ປຸມເປົ້າເປັນອັນຂາດ ບໍ່ຊັ້ນອາດຈະບໍ່ໂຊກດີຄືເຫດການນີ້ກໍ່ໄດ້