ຜູ້ນຳໂສມແດງຢ້ຽມຢາມຜູ້ບາດເຈັບ ຈາກເຫດລົດທົວຈີນຕົກຂົວ
ຜູ້ນຳສູງສຸດຂອງເກົາຫຼີເໜືອຢ້ຽມຢາມນັກທ່ອງທ່ຽວຊາວຈີນ 2 ຄົນ
ເຊິ່ງໄດ້ຮັບບາດເຈັບໃນອຸປະຕິເຫດລົດເມໂດຍສານຕົກຂົວ ໃນເຂດຊານເມືອງປຽງຢາງ ທີມີຜູ້ເສຍຊີວິດເຖິງ
36 ຄົນ
ສຳນັກຂ່າວຕ່າງປະເທດລາຍງານຈາກເມືອງໂຊນ ປະເທດເກົາຫຼີໃຕ້
ເມື່ອວັນທີ່ 24 ເມສາ ໂດຍອ້າງຈາກລາຍງານຂອງສຳນັກງານຂ່າວກາງເກົາຫຼີ (ເຄຊີເອັນເອ) ວ່າທ່ານ ຄິມ
ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ເດີນທາງໄປໂຮງໝໍແຫ່ງໜຶ່ງໃນເມືອງປຽງຢາງ ເມື່ອວັນຈັນທີ່ຜ່ານມາເພື່ອຢ້ຽມຢາມພົນລະເມືອງຊາວຈີນ
2 ຄົນ ເຊິ່ງໄດ້ຮັບບາດເຈັບຈາກອຸປະຕິເຫດລົດເມໂດຍສານເສຍຫຼັກຕົກຈາກຂົວ ບໍລິເວນຖະໜົນສາຍຫຼັກຂອງທ້ອງທີ່ຂອງ
ຈັງຫວັດຮວງແຮ ເໜືອ ຊານເມືອງປຽງຢາງ ເຊິ່ງເຫດເກີດຂຶ້ນມື້ຄືນວັນອາທິດຕາມເວລາທ້ອງຖິ່ນ
ເປັນເຫດໃຫ້ມີຜູ້ເສຍຊີວິດເຖິງ 36 ຄົນ ແບ່ງເປັນນັກທ່ອງທ່ຽວຊາວຈີນ 32 ຄົນ ແລະ ຊາວເກົາຫຼີເໜືອ
2 ຄົນ
ທັງນີ້ ກ່ອນເດີນທາງໄປໂຮງໝໍ ທ່ານ ຄິມ ຈອງ-ອຶນ
ໄດ້ເດີນທາງໄປສະຖານທູດຈີນປະຈຳເມືອງປຽງຢາງ ເພື່ອພົບແລະສະແດງຄວາມເສຍໃຈເປັນການສ່ວນໂຕກັບທ່ານ
ຫຼີ່ ຈິນຈຸ້ນ ເຊິ່ງເປັນທູດຈີນ ໂດຍຄິມ ຈອງ-ອຶນ ກ່າວວ່າອຸປະຕິເຫດທີ່ເກີດຂຶ້ນໄດ້ສ້າງຄວາມສະເທືອນໃຈຢ່າງຫຼວງຫຼາຍໃຫ້ແກ່ຊາວເກົາຫຼີເໜືອ
ຂະນະທີ່ກະຊວງການຕ່າງປະເທດໃນເມືອງປັກກິ່ງອອກມາຖະແຫຼງການວ່າຣັດຖະບານຈີນໄດ້ສົ່ງບຸກຄະລາກອນທາງການແພດ
ແລະ ເຈົ້າໜ້າທີ່ການທູດຈຳນວນໜຶ່ງເດີນທາງໄປເມືອງປຽງຢາງເພື່ອການນີ້ດ້ວຍ ດ້ານສື່ມວນຊົນຈີນຫຼາຍສຳນັກງານໂດຍອ້າງແຫຼ່ງຂ່າວວ່າສະພາບອາກາດໃນຊ່ວງນັ້ນຄືມີຝົນຕົກລົງມາ
ທ່ານຄິມ ຈອງ-ອຶນ ແລະ ທ່ານ ຫຼີ່
ຈິນຈຸ້ນ ທູດປະຈຳເມືອງປຽງຢາງ
ເປັນທີ່ຮູ້ກັນດີໂດຍທົ່ວໄປວ່າຈີນເປັນປະເທດຜູ້ອຸປະຖຳຂອງເກົາຫຼີເໜືອ
ແລະ ຈີນຍັງຖືເປັນ “ປະຕູ” ພຽງບານດຽວໃນການເດີນທາງເຂົ້າສູ່ເກົາຫຼີເໜືອ ໂດຍນອກຈາກສາຍການບິນພານິດແລ້ວຍັງມີບໍລິການລົດໄຟຟ້າຈາກເມືອງຕານຕົງ
ໃນມົນທົນຫຼຽວໜິງ ທີ່ຢູ່ທາງຕາເວັນອອກສຽງເໜືອຂອງປະເທດ