ເກົາຫຼີໃຕ້ ສັ່ງຖອດລຳໂພງກະຈາຍສຽງ ຢຸດໂຄສະນາຊວນເຊື່ອຕໍ່ຕ້ານເກົາຫຼີເໜືອ

ທາງການເກົາຫຼີເໜືອປະກາດຢັ້ງຢືນປັບເວລາເກົາຫຼີໃຕ້  ພຶດສະພາ ນີ້ ດ້ານເກົາຫຼີໃຕ້ຢຸດກະຈາຍສຽງໂຄສະນາຊວນເຊື່ອຊາຍແດນຖາວອນ

ສະຖານີໂທລະພາບ KRT ຂອງທາງການເກົາຫຼີເໜືອ ປະກາດວ່າເກົາຫຼີເໜືອຈະປັບເວລາປະເທດທີ່ຊ້າກວ່າເກົາຫຼີໃຕ້ 30 ນາທີ ໃຫ້ເປັນເວລາເທົ່າກັນ ໂດຍຈະເລີ່ມໃນວັນທີ່ 5 ພຶດສະພານີ້ ເພື່ອເລີ່ມຕົ້ນສູ່ການປົກຄອງ ແລະ ເປັນໜຶ່ງດຽວກັນ ລາຍງານລະບຸວ່າ ທ່ານ ຄິມ ຈອງ-ອຶນ ຜູ້ນຳສູງສຸດເກົາຫຼີເໜືອ ໄດ້ກ່າວຕໍ່ທ່ານມູນ ແຈ-ອິນ ປະທານາທິບໍດີເກົາຫຼີໃຕ້ ຂະນະເຫັນໂມງເທິງຝາບອກເວລາຕ່າງກັນຂອງສອງເກົາຫຼີເມື່ອວັນສຸກທີ່ຜ່ານມາວ່າເປັນຄວາມເຈັບປວດ

ນອກຈາກນີ້ ທ່ານຄິມ ຍັງລະບຸວ່າ ການປັບເວລາເປັນຂະບວນການທີ່ເກົາຫຼີເໜືອແລະໃຕ້ ປັບປ່ຽນສິ່ງທີ່ຕ່າງກັນແລະໄດ້ແຍກກັນໄປ ໃຫ້ກັບມາເປັນໜຶ່ງດຽວກັນອີກກ່ອນໜ້ານີ້ ສອງເກົາຫຼີໄດ້ໃຊ້ເວລາດຽວກັນຕະຫຼອດ ຈົນເດືອນສິງຫາ 2015 ຄວາມສຳພັນຂອງທັງສອງຝ່າຍເສື່ອມຖອຍລົງ ເກົາຫຼີເໜືອຈຶ່ງເລື່ອນເວລາໃຫ້ຊ້າລົງ 30 ນາທີ

ຂະນະດຽວກັນ ນາງເຊວ ຮະຍຸນ-ໂຊ ໂຄສົກກະຊວງກະລາໂຫມເກົາຫຼີໃຕ້ ປະກາດວ່າ ເກົາຫຼີໃຕ້ຈະເລີ່ມຖອດລຳໂພງທີ່ໃຊ້ກະຈາຍສຽງໂຄສະນາຊວນເຊື່ອບໍລິເວນຊາຍແດນທັງສອງຝ່າຍໂດຍຈະເລີ່ມໃນມື້ນີ້