ເຮືອບິນຂັບໄລ່ SU-30 ຂອງຣັດເຊຍຕົກໃນຊີເຣຍ ນັກບິນເສຍຊີວິດ2 ຄົນ
ເຮືອບິນຂັບໄລ່ SU-30SM ຂອງກອງທັບອາກາດຣັດເຊຍ ປະສົບອຸປະຕິເຫດຕົກກາງທະເລເມດີເຕີລາເນ
ໃກ້ແຄມຝັ່ງເມືອງລາຄາເກຍຂອງຊີເຣຍ ເມື່ອຊ່ວງເຊົ້າວັນທີ່ 3 ທີ່ຜ່ານມາ ສົ່ງຜົນໃຫ້ມີຜູ້ເສຍຊີວິດ
2 ຄົນ
ກະຊວງກະລາໂຫມຣັດເຊຍລະບຸວ່າ ເຫດການສະຫຼົດດັ່ງກ່າວເກີດປະມານ 06:45 ເຮືອບິນຂັບໄລ່ລຳດັ່ງກ່າວປະສົບອຸປະຕິເຫດຫຼັງຂຶ້ນບິນຈາກຖານທັບອາກາດ
Hmeymim ໃນເມືອງຕາລາເກຍຂອງຊີເຣຍ
ໂດຍໂຄສົກກະຊວງກະລາໂຫມຣັດເຊຍເຜີຍວ່າ ນັກບິນທັງສອງຄົນພະຍາຍາມທີ່ຈະບັງຄັບຄວບຄຸມເຮືອບິນຈົນວິນາທີສຸດທ້າຍ
ກ່ອນຕົກໃນທະເລເມດີແຕລາເນ ແລະ ສົ່ງຜົນໃຫ້ນັກບິນສອງຄົນເສຍຊີວິດ
ຕາມຂໍ້ມູນການລາຍງານເບື້ອງຕົ້ນ ສາເຫດທີ່ເຮັດໃຫ້ສຸດຍອດເຮືອບິນຂັບໄລ່ດັ່ງກ່າວປະສົບອຸປະຕິເຫດຕົກ
ອາດເປັນຍ້ອນມີນົກໂຕໜຶ່ງບິນຕຳເຄື່ອງຈັກ ບໍ່ໄດ້ເປັນຍ້ອນຖືກຍິງຫຼືຢ່າງໃດ
ທັງນີ້ ເຫດການນີ້ຖືເປັນເທື່ອທີ່ສອງຂອງປີທີ່ມີເຮືອບິນຂອງກອງທັບອາກາດຂອງຣັດເຊຍທີ່ປະຈຳການໃນກອງທັບອາກາດ
Hmeymim ປະສົບອຸປະຕິເຫດຕົກ ໂດຍເທື່ອທຳອິດເມື່ອວັນທີ່ 6 ມີນາທີ່ຜ່ານມາ ເຮືອບິນລຳລຽງ
ອັນໂຕນອຟ -26 (An-26) ປະສົບເຫດຕົກຂະນະກຳລັງລົງຈອດທີ່ຖານທັບ ເຮັດໃຫ້ຜູ້ໂດຍສານແລະລູກເຮືອເສຍຊີວິດ
39 ຄົນ
